CURSO 2009-2010

Un novo curso xa está aquí, nesta nova andaina estaremos moi ben acompañados por 10 coleguiñas novos de 3 anos ( A clase dos COELLIÑOS, coa súa mascota o coelliño ROBI) e pola profe Lorena, os maiores seremos 7 e estamos na clase dos DINOSAUROS coa nosa mascota o BAIUCASAURO.

Unha viaxe polo espazo

Este é o noso "planetario".


Que estamos moitas veces nas nubes, iso pásalles a moitas persoas, pero ir máis alá, só a uns privilexiados coma nós, os nenos e nenas da Baiuca levamos case dous meses viaxando polo espazo exterior,pola Galaxia, imos visitando todos os planetas na procura de axuda para o noso amigo alieníxena Numeletre. Agora imos ensinarvos algunhas cousas que fixemos, tamén nos axudou a profe Tamara, que estivo con nós un mes e xa a botamos de menos.

CANCIÓN DOS PLANETAS

EU SON..TI ES...TODOS/AS SOMOS...

AÍ VAI ESTA REFLEXIÓN PARA O DÍA 2 DE ABRIL : DÍA MUNDIAL DO AUTISMO.

Os eloxios: EU SON... TI ES...

Outra tarefa que debemos realizar na escola, é o fortalecemento da autoestima,autoconcepto, autovaloración dun mesmo e tamén a valoración positiva dos compañeiros e compañeiras.
Pois aí van as fotos dunha actividade que denominamos: ELOXIOS
1.-A MESTRA TROUXO UN MONTÓN DE ELOXIOS EN TARXETIÑAS, LEUNOS E COMENTÁMOLOS EN CORRO,
2.-LOGO CADA UN DIRÍA O QUE É EL E DARÍALLE A MAN A UN COLEGA PARA QUE EL FAGA O MESMO.
3.-DESPOIS CADA NENO/A DI UN ELOXIO DUN AMIGO E DALLE A TARXETA....FINALMENTE
4.-DEBÚXANSE.
OUTRO DÍA LEMBRAMOS OS ELOXIOS E FAN UNHAS BANDAS DE MISS OU MISTER...SIMPATÍA, INTELIXENTE, AMABLE, BONDADOSO...

SEMENTAMOS NO XARDÍN

Sementamos varias especies: tomiño, lavanda, cabazo, chirimoias,landras...

UN TRAGAPELOTAS

Cada venres levamos un conto para casa, un día María levou " Iván no quiere compartir" e o luns sorprendeunos cun tragapelotas que lle axudou a construir a súa mamá, tal como propoñía no conto. Mirade que ben o pasamos, aínda que pouco encestamos.

Xa naceron os muscaris

REPRODUCIMOS


ULIMOS

OBSERVAMOS

Todos xuntos: momias e Faraóns

ANECDOTARIO 2009

VOU RETOMAR O ANECDOTARIO DO 2007, E CONTAREMOS ALGUNHAS FRASES "SIMPÁTICAS" DOS NENOS E NENAS DESTE CURSO. AÍ VAN:
Nesta ocasión a mestra está ensinando un libro sobre Exipto, un neno érguese e sinala(un sarcófago) e di:- profe a que esto parece pintura "clínica"(en vez de acrílica).

* Facendo as rutinas pola mañá, poñendo o tempo a profe di: como está hoxe o tempo?
- Chuvioso(di un neno) , - Non,está soloso (di o encargado)

*Lendo nun libro sobre os Deuses de Exipto, saíu a palabra firmamento e pregúntollles, sabedes que é o firmamento, é un neno responde:
-é cando firmas un contrato ou unha carta.

NO FESTIVAL PASÁMOLO XENIAL

AQUÍ ESTAMOS AS MOMIAS DA BAIUCA

AS CLEOPATRAS DA BAIUCA

O FARAÓN RAMSÉS

As nosas cousas sobre Exipto

O noso mapa conceptual sobre Exipto

Debuxando momias

Faluca con exipcios

Pirámide





Nesta foto aparecen todas as cousas que preparamos as tres escolas unitarias para o festival.

O SARCÓFAGO

FINALMENTE A MALETA TRANSFORMOUSE EN SARCÓFAGO ( CON MOMIA )

TIVEMOS QUE ADIVIÑAR A COMBINACIÓN PARA ABRIR A MALETA,PARA VER QUE HABÍA DENTRO.

ATOPAMOS UN GRAN TESOURO DE CHUCHES E CHOCOLATES.

Poesía visual

QUE É?








QUE PODE HABER DENTRO?

ATRAPASOÑOS

O ATRAPASOÑOS

A teacher Mar tróuxonos da súa viaxe a Estados Unidos, un atrapasoños, que nos era coñecido a través das lendas celtas, que recollían este elemento fantástico dos indios, supoño que sabedes para que se usa o atrapasoños, ponse nos berces ou camas dos nenos e nenas para atrapar os soños bós e os malos escapan polo burato negro. Estes obxectos confeccionábannos os indios de América con pel e plumas de animais. A nos na escola sérvenos para atrapar os bos pensamentos, as boas conductas...e ademáis para facer remuíños de ideas, aí vai unha mostra.


¿PARA QUÉ SIRVE?

PARA FACER CÓXEGAS
PARA CONDUCIR
PARA PESCAR PEIXES
PARA ESCRIBIR
PARA COLLER PLUMAS
PARA CAZAR DINOSAURIOS
PARA FACER UN NIÑO DE PAXAROS
PARA FRITIR UN BISTEC
PARA FACER UN CORTELLO PARA PORCOS
PARA POÑER A COMIDA, É COMA UN PRATO OU PARA COMER COMA UNHA CULLER
PARA FACER UNHA CASA DUN CANGREXO
PARA XOGAR AO TENIS.

Preparando o festival

Cantamos panxoliñas en inglés

Tamén chegaron os Reis Magos

Armouse o Belén na Baiuca

Tampouco este ano podía faltar na nosa escola o teatro de Nadal, realizado por un grupo de mamás, tías...dos nenos e nenas da nosa escola. Grazas a todas, estivestes para Oscar, e o máis importante é que todos desfrutamos ( as que actuastes e os que vos vimos)
O argumento pódese resumir en: qué será o que ten o neno Xesús? Todos lle levan agasallos pero el non quere, só quería amor e cariño( que era o que lle ía dar o neno) pero o soldado non o deixaba pasar.
¡¡¡ BRAVO MAMÁS!!!

FELICES FESTAS

"OXALÁ POIDÉSEMOS GARDAR O ESPÍRITO DO NADAL NUNHA SALTARINA PARA QUE BOTASE E REBOTASE POR TODO O MUNDO"

xa estamos no Nadal

Este curso ideamos facer algo diferente para felicitar o Nadal, realizamos as seguintes actividades:
- Lectura de frases de Nadal( doutros autores)
- Dunha sacamos a idea: onde gardar o espírito do Nadal? ( Remuíño de ideas)
- Facemos frases coas palabras anteriores e finalmente plasmamos algunhas. Aí vai unha mostra.

La cuncuna amarilla- o vermiño de seda

Consecuencias do outono

A NOGUEIRA ESTÁ ESPIDA,
QUEN A PODERÁ TAPAR
AS NENAS E NENOS
DA NOSA ESCOLA
ÍMOLO ARRANXAR.
FOLLAS CON NOMES
DE PRENDAS DE ROUPA
E MOI LINDA VAI QUEDAR.






No patio da nosa escola temos unha nogueira, todos sabemos o que lle pasa nesta época do ano, pero na nosa escola xa lle atopamos remedio, a ver que vos parece.


Non nos esquecemos de ler algún relato de Anxos Sumai, que nos ven ao pelo co tema.


OUTONO NO PATIO

A nogueira do patio comeza a volverse marrón, a carriza que rodea o pé do limoeiro tínguese de laranxa, as glicinias recóllense e cae, diante dos meus ollos, a derradeira rosa de martillo. Unha doce fantasía acaríñame o estómago. Non tardarán as noites en anicarse ao lado da cheminea, lendo, mentres meus pais ven a tele. Aquí, ao patio, chegou o tempo da calma, das sopas quentes e das castañas asadas.

ANXOS SUMAI

Cousas do outono

O magosto

Este venres celebramos o magosto coa colaboración das mamás, tamén fixemos máis poesías visuais.

SAMAÍN SAMAÍN, DIVERSIÓN SEN FIN

NUNCA TANTO PROVEITO LLE QUITAMOS( NA NOSA ESCOLA) A UN CABAZO, SÓ NOS FALTOU COMELO, EN DOCES, PAPAS... OUTRA VEZ SERÁ, CLARO QUE TAMPOUCO NUNCA TIVERAMOS UN CABAZO TAN TAN TAN GRANDE. ( GRAZAS A AVOA DE AINARA)

POESÍAS VISUAIS

COMPARTINDO A IDEA DO CEIP DE AGUIÑO, AÍ VAN UNHAS POESÍAS VISUAIS: DUN PEIXE GLOBO, DUNHA MAZÁ, E CUN ESQUELETO(A NOSA MASCOTA RISITAS)

Unha fermosa historia...

de AMOR

XA ESTAMOS AQUÍ - con FAUSTO C. ISORNA

XA ESTAMOS DE VOLTA.Novo curso e novas incorporacións, temos catro migallas novas: Pablo, Lucía, Ainara e María, benvido e benvidas.
Pois a verdade é que comezamos o curso moi ben, moi requeteben. Lembraredes que a finais do curso pasado traballamos o cómic, da man de Fausto Isorna, debuxante de Catoira, có que intercambiamos correos moi fructíferos; e o día 3 de outubro veu á Biblioteca de Catoira a realizar un obradoiro sobre a banda deseñada, e tivemos a inmensa fortuna de ter un encontro con el. Aí van unhas fotos para que as desfrutedes.

FIN DE CURSO

OUTRO CURSO REMATADO
MÁIS ALUMNOS LICENCIADOS
POR DESPEDIRNOS DOS COLEGAS
IMOS ALGO APOUCADOS
PERO LOGO VEN SETEMBRO
E XA VOLVEMOS A VERNOS
CON ÁNIMOS RENOVADOS.
MOITOS BICOS PARA TODOS
PASADE UN VERÁN RELAXADO
COMENDO MOITOS XEADOS,
E MIRANDO ESTAS FOTOS
ONDE TODOS NOS DIVERTIMOS
BOTAMOS UNHAS RISADAS
E LEMBRAMOS E AÑORAMOS... VOLVER...

Fausto Isorna e o cómic

Algúns traballos a partir das portadas do Golfiño de Fausto Isorna.

Mirando a través do bebé

A partir do relato de Anxos Sumai " Mirando a través do bebé" iniciamos un proxecto sobre bebés. Buscamos información, en enciclopedias,revistas especializadas, internet, trouxemos fotos de cando fomos bebés,aproveitamos a visita de Lucía e a súa irmá Marta ( que é un bebé de dous meses) para observar e preguntarlle cousas sobre o bebé.

VISITA DE ANXOS- 13 DE MAIO

NON SE ME OCURRE MELLOR MANEIRA DE CELEBRAR AS LETRAS GALEGAS. NON HAI PALABRAS PARA EXPLICAR O QUE SIGNIFICOU PARA TODOS(ALUMNOS E MESTRA) A VISITA DE ANXOS SUMAI Á NOSA ESCOLA, DESPOIS DE MESES ESCRIBÍNDONOS, MANDANDO FOTOS... POR FIN, CHEGOU, E NON VEU SOA TROUXO AS DÚAS IRMÁS PROTAGONISTAS DALGÚNS DOS SEUS RELATOS (SISI E ELVIRA) ELVIRA ADEMÁIS SORPRENDEUNOS A TODOS CUNHA PRESENTACIÓN EN POWERPOINT SOBRE A VIDA DE ANXOS E CONTESTANDO AS PREGUNTAS DOS NENOS. FOI UN ÉXITO, ROTUNDO. GRAZAS ANXOS ESPERAMOS CONTINUAR, EN VINDEIROS CURSOS, COA TÚA COLABORACIÓN.

CAROZOOOOOOOOOOOOOSSSSSSSSS

Seguimos investigando e descubrindo novas posibilidades cos carozos, aí vos queda unha mostra ( de lóxica matemática- o camiño máis longo, medimos… Psicomotricidade, lectoescritura…) E duran, e duran…

Xogamos co serrín

Un elemento novo aparece na nosa escola a partir dun correo que nos enviou Anxos Sumai: O SERRÍN. O primeiro foi ulilo, logo tocalo e finalmente disfrutalo. Tentamos parecernos a Anxos debuxando nel, escribindo, facendo neve…foi toda unha experiencia. Tamén o misturamos con pintura, e tamén o pegamos facendo o nome de Anxos. Grazas ao avó de Sergio que nos pasou unha bolsa de serrín.

ANXOS SUMAI

A motivación ía en aumento a medida que descubriamos mais cousas de Anxos, polo que se fixo indispensable elaborar un plan de traballo.
FASES:
QUE SABEMOS / QUE QUEREMOS SABER / ONDE BUSCAR INFORMACIÓN / COMO ORGANIZAR A INFORMACIÓN

Buscando información en Internet:
Poñemos o nome de Anxos Sumai en google e aparecen varias páxinas que falan sobre ela... Nunha desas web: www.culturagalega.org,( publica os seus escritos semanais: Anxos ou diaños) aparece o seu correo, e apuntámolo para posteriormente contactar con ela. Este sería o comezo dun fermoso e apaixonante proxecto, nunca antes contactaramos cunha personaxe famosa e ademais tan accesible, Anxos foi, desde o primeiro correo un encanto, contestounos a todo, enviounos fotos ... e temos data prevista de visita á nosa escola, pódese pedir máis? Non, imos sobrados. Por se fose pouco síguenos a través deste blog e déixanos comentarios, e sabedes cal foi a primeira reacción dos cativos cando rematéi de lelo, nada menos que un fervoroso aplauso, se isto non é capaz de emocionar a ninguén entón estamos facendo algo mal, pero a min aínda me emociona e me di que por este camiño imos ben, e mellor iremos se Anxos nos acompaña. Isto promete unha longa e duradeira amizade, de incalculable valor para todos/as ( alumnado e mestra)
VALORACIÓN:

Quero animar a outros centros a que traballen con distintos textos e diferentes autores, non hai porque ler un libro enteiro, podemos darlle opcións aos alumnos/as que escollan relatos ou capítulos, de todos podemos aprender, non elexir os libros só pola idade. E tamén dicirlles aos escritores que se acheguen máis aos lectores, hoxe en día internet tráenos o mundo á escola e as casas, porque non os escritores, ilustradores... non é imprescindible que veñan en persoa, pero para os nenos/as poder escribirlle a alguén que lle vai responder é a maior motivación que existe para “ animar a ler e escribir”.
Para os mestres/as de Infantil e Primaria, vouvos dar as miñas razóns para seguir traballando en vindeiros cursos con Anxos Sumai
( principalmente co seu libro “ Melodía de días usados” ) porque con cada relato podo plantexar un pequeno proxecto ( lingüístico, histórico, matemático, de animais, natureza...) que van permitir o desenvolvemento de diferentes competencias no alumnado, desde buscar información en enciclopedias, nos diccionarios, en internet... organizar esa información en mapas conceptuais, desenvolverán competencias lingüísticas, plásticas... Botarlle un ollo a algún dos seus relatos e comprenderedes o que quero dicir.

ANXOS SUMAI

Proxecto: PERSOEIROS ILUSTRES DO NOSO CONCELLO
Xa levamos desde o Entroido con este gran proxecto que vai encabezado e liderado pola escritora ANXOS SUMAI , máis adiante tamén iremos coñecendo a Fausto Isorna, que tal como di o título do proxecto son persoeiros catoirenses, pero ademais Anxos é veciña da nosa escola.

Motivación:

Para traballar con Anxos Sumai, a motivación, interese e curiosidade dos cativos, foi doada de fomentar, xa que nun primeiro momento so lles dixen que iamos ler un libro de maiores(sen debuxos) “MELODÍA DE DÍAS USADOS”,e comezamos a ler os seus relatos, un día líallo e falabamos sobre do que relataba, ó día seguinte relémolo e facían un debuxo, outro día eran os nenos os que continuaban a historia( que pasou despois…?) e así con varios relatos. Tamén resultou interesante porque nos relatos fala de cousas cotiás, familiares, de temas que lles gustan os nenos. Esta resultou unha forma de ir imaxinando quen escribiría eses relatos,se sería home ou muller, nena ou neno, algúns gustos, de que traballaría... fixemos as nosas hipóteses e preguntámonos onde poderiamos saber mais, alguén apuntou que no libro por detrás había unha foto, lemos o que pon. O feito de descubrir que era de Catoira fíxonos fervelo sangue a todos.

Historia dunha pinga de auga

Experimentación xeada

Gracias a os nosos amigos e amigas e á profe da escola de Xanza por contarnos o experimento que fixeran na súa escola sobre un iceberg, causounos moito interese, e houbo quen nos trouxo a auga conxelada da casa( unha botella) para que nos tamén o puderamos experimentar ( faltounos o sal) pero aproveitamos para experimentar outras cousas. Logo de probar a auga da billa coa man, comprobamos que ao introducirlle o xeo (iceberg, que flotaba), a auga da bañeira cada vez estaba máis fría. E antes de que rematase todo desconxelado, vimos que tiña forma de lápis ( moi resbaladizo e co que non podiamos estar traballando moito tempo porque nos conxelaba as mans) e fixemos un sinxelos debuxos, en cartulina branca( apenas se notaban) e en cartulina de cores, para darlle máis perpetuidade á nosa obra, repasámola con xiz. Neste experimento feito aposta, poderíase usar auga con colorante, con tinta … e o xeo pintaría só, ben aí queda a idea e cada quen que investigue. A verdade é que gustou moito e en pouco tempo comprendemos as dificultades dos animais e persoas que viven nos Polos, sen embargo ¡ qué ricos os xeados nun día caluroso!
Muito brigado coleguiñas.

Proxecto: Os terremotos

A raíz dunha noticia do xornal que falaba sobre un sismo que sacudira a zona de Ribeira e arredores, preocupounos o tema porque en Ribeira están os nosos amigos e amigas do cole de Aguiño, asi que decidimos investigar sobre os terremotos.
Buscamos información en Internet, en enciclopedias( que trouxeron os nenos e nenas da escola), nos diccionarios... Xuntamos toda a información nun recuncho, lémola,interpretámola( con distintas linguaxes: oral, escrita, plástica e corporal) consultámola cando precisamos, e finalmente xogamos a representar que facer durante e despois dun terremoto; menos mal que aquí os sismos non acadan a magnitude que nos representamos. Oxalá tampouco pasaran de 6 en ningún lugar do mundo.

Un mundo de música e cores

Xogando co profe Miguel

Xogando co profe Miguel

Os venres visítanos o profe Miguel, con el facemos estimulación da linguaxe oral, para aprender a falar correctamente, ampliar o noso vocabulario, coñecer as letras, controlar a nosa voz, e máis cousas. Para facer todo isto, tódolos día que ven o profe Miguel, cantamos cancións, leemos contos, facemos fichas de letras e xogamos.
Aqui estamos cantando e representando a canción do chinito que falaba co l.
El chinito Chinfunfá
anda como los demás
como los demás chinitos
que todos andan igual.
Lili lili lililí
Lili lili lililá
E vaise cambiando anda por: salta, corre, duerme....

Actividades do Entroido

O Entroido ¡ vaia chollo!

Acaba de rematar o Nadal
e xa estamos no Carnabal.
Ata rima e todo, pero a verdade e que este curso o tempo voa, e vai todo amoreado, sen poder desfrutar serenamente dos acontecementos.
Na nosa escola estivemos investigando sobre o lobo, e polo tanto o disfraz tiña que ser desta personaxe tan impactante para os nenos e nenas de 3, 4 e 5 anos.A profe era Carrapuchiña.
O venres 1 de febreiro, fixemos festa á finais da xornada(a que acudiron as mamás,avoas ou irmáns), durante este tempo, xogamos( houbo xogos para mamás e para nenos/as), cantamos, dramatizamos e recitamos(a poesía da Carrapuchiña e o lobo, do libro:"A casa de había unha vez", de Ana Mª Fernández(edic. Xerais))e
finalmente comemos: orellas, rosquillas e filloas, que estaban de rechupete.

Os números de Robert Indiana

ALGUNHAS OBRAS QUE ATOPAMOS DE ROBERT INDIANA.Se alguén atopa máis artistas, productores de números agradecemos a información

actividades cós números

Algúns números cazados no noso entorno